Il-Panel tat-Tfal

Il-Panel tat-Tfal, li jikkonsistni minn bejn 10 sa 20 tifel u tifla, għandu rwol importanti u attiv fit-tiswir u fl-iffaċilitar tal-attivitajiet tal-Pjattaforma. 

Min hemm fuq il-Panel?

16-il tifel u tifla, li għandhom bejn it-13 u s-17-il sena, mill-Bulgarija, mill-Kroazja, mid-Danimarka, minn Franza, mill-Ġermanja, mill-Ungerija, mill-Italja, min-Netherlands, mir-Rumanija u mill-Iżvezja jifformaw il-Panel kurrenti.

X’jagħmel il-Panel?

Il-Panel tat-Tfal għandu rwol konsultattiv, ta’ kokreazzjoni u ta’ validazzjoni, li:

• Jikkontribwixxi għall-organizzazzjoni tal-attivitajiet tal-Pjattaforma u jipprovdi konsultazzjoni dwarha
• Jipprovdi input għall-Pjan ta’ Ħidma tal-Pjattaforma
• Jgħin biex jivvaluta l-approċċ, il-format u l-prijoritajiet tematiċi tal-konsultazzjonijiet tal-Pjattaforma
• Jgħin biex joħloq b’mod konġunt dokumenti adattati għat-tfal għall-Pjattaforma   
• Jirrieżamina u jgħin biex jivvaluta dokumenti legali u ta’ politika adattati għat-tfal;
• Jipprovdi input dwar aspetti tal-komunikazzjonijiet u tat-trażmissjoni tal-messaġġi tal-Pjattaforma.

Peress li l-Panel għandu rwol kruċjali fit-tiswir tal-Pjattaforma, il-vuċijiet tagħhom jeħtieġ li jinstemgħu u jiġu ddokumentati b’mod ċar, u li jiġu kondiviżi ma’ nies oħra fis-Segretarjat tal-Pjattaforma u fil-Kummissjoni Ewropea. 

Biex jagħmlu dan, il-laqgħat online ta’ kull xahar tagħhom jiġu ffaċilitati mill-Uffiċjali għall-Protezzjoni tat-Tfal. Il-Panel ikollu wkoll sessjonijiet wiċċ imb wiċċ biex jaħdem flimkien ma’ adulti fuq il-kofaċilitazzjoni ta’ laqgħat ewlenin.

Kif tissieħeb?

Aħna nikkuntattjaw lill-organizzazzjonijiet membri tagħna meta jkun hemm postijiet vojta għat-tfal fil-Panel tat-Tfal. Normalment ftit drabi kull sena. Kulħadd jista’ japplika!