L-Unjoni Ewropea ħadmet fuq Pjan ta’ Azzjoni biex tgħin biex fil-prevenzjoni tal-bullying ċibernetiku, u tappoġġa aħjar lil dawk it-tfal u l-adolexxenti affettwati minnu.
Biex niżguraw li l-Pjan wieġeb għall-ħtiġijiet tat-tfal u għall-esperjenzi mġarrba, aħna staqsejna lit-tfal u lill-adolexxenti tal-UE (b’etajiet ta’ bejn it-12 u s-17-il sena) għall-ħsibijiet u għall-opinjonijiet tagħhom. Dan sar permezz ta’ stħarriġ online bil-lingwi kollha tal-UE f’Settembru 2025.
Mingħand min smajna?
- 6,343 tifel u tifla u adolexxent ta’ bejn it-12 u s-17-il sena
- mis-27 pajjiż kollha tal-UE
- 57 % bniet, 40 % subien, 2 % oħrajn, 2 % ma qalux
L-esperjenza tat-tfal bil-bullying ċibernetiku
- 24 % kienu esperjenzaw bullying ċibernetiku huma stess
- 39 % kienu raw bullying ċibernetiku (47 % ta’ dawk li għandhom 17-il sena, 28 % ta’ dawk li għandhom 12-il sena)
- 50 % kienu jafu lil xi ħadd li ġie ttrattat ħażin online (52 % bniet, 40 % subien)
- 50 % ħassew li n-nies li huma “differenti” għandhom probabbiltà akbar li jkunu vittmi tal-bullying ċibernetiku
- 70 % ħassew li l-bullying ċibernetiku jsir “għall-gost u għall-attenzjoni”
- 62 % ħassew li l-bullying ċibernetiku jsir biex dak li jkun “iħossu b’saħħtu”
X’qalu t-tfal?
- Kif iħossuhom it-tfal fir-rigward tal-bullying ċibernetiku
- 73 % – imdejqin
- 65 % – imweġġgħin
- 62 % – waħedhom jew esklużi (70 % bniet, 52 % subien)
- 59 % – imbarazzati
- Kif jiksbu l-għajnuna u l-appoġġ jekk ikunu vittmi ta’ bullying ċibernetiku
- 62 % imorru għand ġenitur jew persuna li tindokra (67 % bniet, 56 % subien)
- 41 % għand ħabib (46 % ta’ dawk li għandhom 17-il sena, 29 % ta’ dawk li għandhom 12-il sena)
- 25 % għand għalliem jew membru tal-persunal tal-iskola (38 % ta’ dawk li għandhom 12-il sena, 19 % ta’ dawk li għandhom 17-il sena)
- 14 % għand linja telefonika għall-għajnuna jew sit web ta’ appoġġ
- 11 % ma jgħidu lil ħadd
- 8 % ma humiex ċerti
Aktar konsulenza biex kemm il-vittmi kif ukoll il-bullies jiġu megħjuna jifhmu x’qiegħed jiġri
Rakkomandazzjonijiet ewlenin għal azzjoni
- Jinżammu responsabbli l-pjattaformi tal-media soċjali
- Is-simplifikazzjoni tar-rapportar tal-bullying ċibernetiku
- It-tisħiħ tal-liġijiet kontra l-bullying ċibernetiku
- Il-promozzjoni tas-sensibilizzazzjoni, tal-edukazzjoni u tal-konverżazzjonijiet miftuħa bejn il-ġenituri u t-tfal
- L-appoġġ għat-tfal affettwati permezz tal-konsulenza
- It-trawwim ta’ mġiba online pożittiva, il-bini ta’ ħiliet diġitali u t-tħeġġiġ tar-reżiljenza u ta’ ambjenti ta’ rispett
- Ir-restrizzjoni tal-aċċess ta’ tfal iżgħar għall-media soċjali
Rapport sħiħ dwar x’qalu t-tfal dwar il-bullying ċibernetiku
Xi jridu t-tfal mill-adulti?
- X’għandhom jagħmlu l-pjattaformi tal-media soċjali
- 54 % tat-tfal jixtiequ li l-pjattaformi jieħdu r-rapportar bis-serjetà u jagħtu informazzjoni dwar is-segwitu
- 39 % jixtiequ li r-rapportar ikun aktar faċli fuq l-applikazzjonijiet u fuq is-siti web
- 39 % jixtiequ li l-pjattaformi jipprovdu appoġġ lill-vittmi tal-bullying ċibernetiku
- 25 % jixtiequ li t-tfal ikunu involuti dwar kif il-pjattaformi jsiru sikuri
- 12 % jixtiequ li l-pjattaformi jħallsu għal kampanji ta’ informazzjoni
- X’għandhom jagħmlu l-iskejjel u l-ġenituri
- 56 % tat-tfal jixtiequ li l-iskejjel ikollhom regoli ċari u konsegwenzi għall-bullying ċibernetiku (61 % bniet, 46 % subien)
- 54 % jixtiequ li l-istudenti jitgħallmu dwar il-bullying ċibernetiku fil-klassi
- 49 % jixtiequ appoġġ, inkluż dak psikoloġiku, għal dawk li sfaw vittma tal-bullying (58 % bniet, 36 % subien)
- 47 % jixtiequ li l-iskejjel ikellmu lill-bullies u lill-ġenituri tagħhom
- 45 % jixtiequ jkunu jafu li se tittieħed azzjoni jekk jirrapportaw
- 43 % jixtiequ adulti/pari fdati ma’ min jitkellmu (49 % bniet, 34 % subien)
- 30 % qalu li l-iskola tagħhom għandha regoli/linji gwida kontra l-bullying, 57 % ma kinux jafu, u 13 % qalu li ma kellhiex
- 45 % kienu pparteċipaw f’xi ħaġa dwar it-twaqqif tal-bullying ċibernetiku, 32 % ma pparteċipawx, u 23 % ma kinux ċerti
Il-persuni jiġu pprojbiti malli jippowstjaw... Il-pjattaformi għandhom jipprojbixxu/jissospendu l-kontijiet, IP, IMEI
X’se jiġri issa?
- T1-T2 2026
- Il-Pjan ta’ Azzjoni Kontra l-Bullying Ċibernetiku tal-Kummissjoni Ewropea ġie ppubblikat
- Rapport adattat għat-tfal tar-riżultati tal-istħarriġ (bil-lingwi kollha tal-UE)
- Feedback dwar kif intuża l-kontribut tat-tfal
- Verżjoni tal-Pjan adattata għat-tfal
- Il-Pjan ta’ Azzjoni Kontra l-Bullying Ċibernetiku tal-Kummissjoni Ewropea ġie ppubblikat
Jekk għandek bżonn l-għajnuna jew l-appoġġ:
- Jekk jogħġbok żur is-sit web Internet Aħjar għat-Tfal, fejn tista’ ssib riżorsi għall-apprendiment bil-lingwi kollha tal-UE, jew ikkuntattja Ċentru għal Internet Aktar Sikur fil-pajjiż tiegħek biex tirrapporta kwalunkwe problema online jew titkellem ma’ espert.
- Biex titkellem ma’ xi ħadd dwar kif qed tħossok, jekk jogħġbok tkellem ma’ adult fdat jew ċempel linja telefonika għall-għajnuna għat-tfal fil-pajjiż tiegħek.