Xi gvernijiet, kunsilli lokali jew organizzazzjonijiet mingħajr skop ta’ qligħ għandhom gruppi konsultattivi biex jgħinuhom jiksbu gwida u informazzjoni dwar suġġetti importanti.
Dawn x’inhuma?
Il-gruppi konsultattivi jistgħu jkunu permanenti, bħal grupp konsultattiv tat-tfal jew bord għal gvern nazzjonali li jagħti opinjonijiet dwar suġġetti differenti li jikkonċernaw lit-tfal.
Grupp konsultattiv jista’ jkun ukoll temporanju, li jitlaqqa’ b’mod speċjali biex isiru taħditiet dwar suġġett wieħed meta tkun qed issir liġi ġdida jew ikun hemm xogħol għal żmien qasir, biex isir rapport.
Il-gruppi konsultattivi jistgħu jkunu komposti minn tfal biss, jew flimkien mal-adulti, iżda dejjem ikun hemm xi adulti biex jagħtu daqqa t’id!
Dan huwa eżempju
Il-Bord Konsultattiv Tagħna
Fil-Pjattaforma tat-Tfal tal-UE għandna Bord Konsultattiv magħmul minn għaxra mit-tfal membri tagħna u 15-il adult mill-UE u s-soċjetà ċivili.
Dawn jiltaqgħu darbtejn fis-sena wiċċ imb wiċċ u għandna ġurnata speċjali għat-tfal biss biex isiru jafu lil xulxin u s-suġġetti kollha qabel jingħaqdu magħhom l-adulti.
Dan il-grupp konsultattiv għandu rwol importanti ħafna fil-Pjattaforma, u jgħin fid-deċiżjonijiet dwar kif naħdmu, liema suġġetti se naħdmu fuqhom u kif nagħmlu titjib.