Gheobhaidh tú anseo na dearcthaí agus na tuairimí atá á roinnt ag leanaí agus ag déagóirí le lucht déanta cinntí an Aontais i dtaca le hábhair éagsúla. Tá a dtuairimí á gcur in iúl chun cabhrú le todhchaí na hEorpa a thógáil!
Tá rud luachmhar ag gach leanbh le cur leis an scéal agus tá an ceart acu go gcuirfear a dtuairimí san áireamh agus cinntí á ndéanamh a d’fhéadfadh tionchar a imirt ar a saol.
Baineann tábhacht leis an uile rud anseo, agus tá gach leanbh tábhachtach.
An méid atá á rá ag leanaí an Aontais
I mí an Mheithimh 2025 tháinig comhaltaí óga an Ardáin ó gach cearn den Eoraip le chéile chun a ndóchas, a n-aislingí agus a moltaí nithiúla a chur i dtoll a chéile agus a chur i láthair do lucht déanta cinntí an Aontais trína nGlao ar Ghníomhaíocht.
Cumhdaíodh cúig phríomhréimse ina dtograí le haghaidh gníomhaíochta, mar atá:
- Cothroime idirghlúine
- Folláine i scoileanna
- Oibriú le chéile in aghaidh an fhuatha
- Sábháilteacht ar líne agus an chibearbhulaíocht
- Gníomhaíocht ar son na haeráide
Tá ár gcomhaltaí óga rannpháirteach go gníomhach sa chaoi a reáchtáiltear an tArdán, agus san obair a dhéantar. Gach dhá bhliain, cuirtear Plean Oibre nua le chéile ina leagtar amach na hábhair agus na gníomhaíochtaí atá le cumhdach.
Tagann moltaí don Phlean sin ónár gcomhaltaí ar leanaí iad:
