Is ábhar tábhachtach do leanaí í an tsábháilteacht ó fhoréigean, agus is mian leis an Aontas Eorpach cosaint leanaí a fheabhsú. Ar an ábhar sin, d’fhiafraíomar de leanaí agus de dhéagóirí faoin méid a chuideodh leo mothú níos sábháilte.
Léirítear na freagraí a fuarthas uathu i sraith moltaí ón Aontas chun cabhrú le daoine fásta oibriú le chéile ar bhealach níos fearr chun leanaí a chosaint.
Cé a chuir a dtuairimí in iúl dúinn?
- 1,095 leanaí idir 7-17 mbliana d’aois
- as 21 Bhallstát den Aontas Eorpach
- ba chailíní iad 56% díobh, ba bhuachaillí iad 43% díobh, agus roghnaigh 1% díobh ‘eile’
Cad a dúirt na leanaí?
- Cé ba cheart dóibh cabhrú le leanaí?
- Is fearr le 63% díobh labhairt le duine éigin go pearsanta (seachas ar líne)
Rachadh 74% chuig ball teaghlaigh nó chuig gaolta ar dtús, agus rachadh 68% díobh chuig cairde
- An méid a theastaíonn ó leanaí in áiteanna éagsúla
- Ar scoil: sláinteachas níos fearr agus deireadh a chur le bulaíocht
- Sa bhaile: dóthain airgid le maireachtáil. Nuair nach áit shábháilte é an baile, tá spás sábháilte de dhíth ar leanaí
- Tar éis scoile: tuilleadh áiteanna agus gníomhaíochtaí chun bualadh le chéile go sóisialta, le tacaíocht ó dhaoine fásta
- In áiteanna poiblí: áiteanna súgartha agus páirceanna níos sábháilte agus tuilleadh soilsiú sráide
- Ar Líne: Níos mó eolais agus oiliúna do dhaoine fásta agus do leanaí
- Na daoine fásta ar féidir leo cuidiú
- Múinteoirí tiomanta tuisceanacha.
- Baill foirne scoile breise (mar atá comhairleoirí, oibrithe sóisialta, leas-phríomhoidí agus príomhoidí...)
- Cúramóir a bhfuil an t-am aige cúram a dhéanamh dá gcuid riachtanais fhisiciúla agus mhothúchánacha
- Tuismitheoirí altrama maithe (nuair nach féidir le tuismitheoirí a gcuid leanaí féin a choinneáil sábháilte)
- Cairde chun cabhrú le leanaí cabhair a fháil agus mothú sábháilte
- Gairmithe sláinte atá cairdiúil agus a mhíníonn cóireálacha dóibh
- Póilíní má tá aithne ag na leanaí orthu
Achoimre mhaisithe ar a ndúirt na páistí
Sílim gur cheart do mhúinteoirí éisteacht níos cúramaí linn mar, cé go síleann siad go bhfuilimid an-óg, tá ár dtuairim féin againn agus níor cheart dóibh neamhaird a dhéanamh di.
Cad atá de dhíth ar leanaí ó dhaoine fásta?
- Go n-éistfí leo ní ba mhó agus ní ba chúramaí
- Go léireofaí meas orthu, go n-éistfí leo agus go dtabharfaí aird cheart orthu
- Go ndéanfaí níos mó iarrachta riachtanais leanaí a thuiscint
- Go gcuirfí san áireamh iad i dtaca le cinntí a dhéantar sa bhaile, ar scoil, ina bpobail agus sa rialtas
Go gcuirfí leanaí san áireamh agus réitigh ar a gcuid fadhbanna á bhforbairt
- Go dtabharfaí níos mó eolais dóibh
- Go gcuirfí ar an eolas iad faoi rioscaí agus contúirtí a d’fhéadfadh a bheith ann
- Go gcuirfí eolas agus treoraíocht ar fáil dóibh maidir leis na daoine ar féidir leo cabhair agus tacaíocht a iarraidh orthu agus conas cásanna neamhshábháilte a thuairisciú
Go gcuirfí eolas soiléir ar fáil dóibh maidir leis an méid a tharlóidh tar éis dóibh cúnamh a lorg
- Go dtabharfaí níos mó cabhrach dóibh
- Go leagfaí amach rialacha, teorainneacha agus bearta soiléire a d’fhéadfadh dochar a chosc
- Go ngníomhófaí go tapa nuair a thugtar faoi deara nach bhfuil leanaí sábháilte
- Go gcuirfí cabhair ar fáil dóibh sula n-éireoidh fadhb níos measa, agus go dtabharfaí rochtain dóibh ar thacaíocht speisialaithe
Go gcuirfí duine fásta iontaofa amháin ar fáil chun tacú leo ó thús go deireadh faidhbe
- Go n-oibreofaí go héifeachtach leo
- Go roinnfí eolas agus go ndéanfaí cumarsáid eatarthu féin, dhá rud a chuideodh chun timpeallacht cosanta a chruthú
Go gcuirfí oiliúint orthu go léir le chéile chun go mbeadh tuiscint acu ar conas dul i ngleic le fadhbanna leanaí
- Go gcosnófaí meabhairshláinte
- Go gcuirfí timpeallacht oscailte shábháilte ar fáil chun saincheisteanna meabhairshláinte a phlé
- Go ndéanfaí níos mó ardú feasachta, agus go gcuirfí treoraíocht agus eolas ní ba mhó ar fáil chun dul i ngleic le saincheisteanna meabhairshláinte
Mhúsclóinn feasacht ar an meabhairshláinte agus ar an strus, agus dhéanfainn iad a theagasc ar scoil. Chabhróinn le daoine teacht ar réitigh, agus d’eagróinn imeachtaí. Mhúsclóinn feasacht ar ghníomhaíochtaí iarscoile, cuir i gcás an saol lasmuigh den scoil. Thabharfainn roinnt gníomhaíochtaí coirp isteach sa scoil.
Moltaí ón gCoimisiún
Chuidigh smaointe agus riachtanais leanaí leis an Aontas moltaí a scríobh maidir leis an gcaoi ar féidir le daoine fásta ar fud na hEorpa oibriú le chéile ar bhealach níos fearr i dtaca le sábháilteacht leanaí.
