Is mian linn teagmháil a dhéanamh le leanaí ar fud an Aontais ionas gur féidir leo páirt a ghlacadh agus a dtuairimí agus a dtaithí a roinnt. Is féidir leis an gcumarsáid dhigiteach cabhrú linn.
Tá sé chomh tábhachtach sin gur chomhchruthaíomar ár suíomh gréasáin in éineacht le leanaí. Agus leanaimid de bheith ag dul i gcomhairle le leanaí faoin suíomh gréasáin agus faoi chumarsáid dhigiteach eile. Déanaimid amhlaidh chun a chinntiú go n-oibreoidh an méid atá ar siúl againn do leanaí cosúil leatsa!
Cé leis a rabhamar ag obair?
Níos mó ná 150 leanbh idir 11-17 mbliana d’aois
- 50 rannpháirtí ag ár gcruinnithe móra sa Bhruiséil
- 18 gcomhalta dár mBord Comhairleach
- 12 chomhalta dár bhFoireann Comhchruthaithe Cumarsáide
- 7 gcomhalta dár bPainéal Leanaí
- 40 dalta ó Scoil Idirnáisiúnta Montgomery (EIM) na Bruiséile
- 20 comhalta de 'Conseil des Jeunes’ Strasbourg
- agus ionchur leanaí ó cheardlanna ag cruinnithe móra
An Fhoireann Comhchruthaithe Cumarsáide
Is cúis mhór áthais dúinn go bhfuil comhaltaí ónár n-eagraíochtaí is comhaltaí páirteach san Fhoireann Comhchruthaithe Cumarsáide.
Tagann siad le chéile ar líne uair sa mhí (seachas le linn laethanta saoire an tsamhraidh!) agus cuireann siad ionchur ar fáil atá thar a bheith tábhachtach chun cabhrú linn tuiscint níos fearr a fháil ar riachtanais agus ionchais leanaí ar líne.
