Cuairt staidéir ar Éirinn – Ó smaointe go gníomh

An 6–7 Bealtaine 2025, chuaigh leanaí agus daoine fásta ó 11 Bhallstát go hÉirinn don chéad chuairt staidéir den Ardán. 

An méid a d’fhoghlaimíomar

Chun a chinntiú go n-éistfear le guthanna leanaí agus go léireofar meas orthu, ba cheart do na rialtais náisiúnta an méid seo a leanas a dhéanamh: 

• A chinntiú go bhfuil foinse chobhsaí airgid, oiliúna, daoine agus ábhar atá fabhrach do leanaí ann 
• Páirt a thabhairt do leanaí i gcinntí a dhéanann difear dá saol laethúil
• A sheiceáil an dtagann fíorathruithe agus fíorfheabhsuithe as smaointe leanaí 
• Oiliúint maidir le cearta leanaí agus maidir le conas oibriú le chéile a thabhairt do dhaoine fásta agus do leanaí araon 
• Obair bhuíne idir leanaí agus daoine fásta a chur chun cinn chun torthaí níos fearr a bhaint amach 
• Cleachtais rathúla a chomhroinnt agus a bheith ag foghlaim óna chéile

Chun a chinntiú go mbíonn spásanna ar fáil inar féidir le leanaí a bheith muiníneach astu féin agus inar féidir leo a dtuairimí a chomhroinnt, ba cheart do na rialtais náisiúnta an méid seo a leanas a dhéanamh: 

• Teagmháil a dhéanamh le níos mó leanaí ó áiteanna éagsúla, grúpaí éagsúla agus aoisghrúpaí éagsúla, agus leanaí a bhfuil teangacha éagsúla acu, agus a chinntiú go mbeidh siad rannpháirteach
• Tacú le comhráite leanúnacha idir an óige agus daoine fásta 
• Tuairisciú do leanaí agus treoirlínte soiléire a leagan amach maidir le conas agus cathain an méid sin a dhéanamh 
• Níos mó cruinnithe a eagrú idir leanaí agus daoine fásta ó thíortha éagsúla 
• A chinntiú go n-oibríonn grúpaí agus institiúidí éagsúla le chéile, amhail an rialtas, eagraíochtaí neamhrialtasacha, agus scoileanna 
• Labhairt amach faoina fheabhas a bhíonn sé do chách nuair a bhíonn leanaí agus daoine óga ar thús cadhnaíochta agus nuair a chomhroinneann siad a dtuairimí

Cé a ghlac páirt sa chuairt?

• Leanaí ó Ardán an Aontais um Rannpháirtíocht Leanaí (móide daoine fásta i bhfochair)
• Ionadaithe náisiúnta ó Líonra an Aontais um Chearta an Linbh
• Na tíortha rannpháirteacha: An Ostair, an Bhulgáir, an Chróit, an Fhionlainn, an Ghréig, an Iodáil, an Ísiltír, Málta, an Phortaingéil, an tSlóvaic agus an Spáinn.
• Leanaí ó UNICEF agus ó Scoil Bhrí Mhór, Éire (móide daoine fásta i bhfochair)

Cad a tharla gach lá?

Lá 1: An 6 Bealtaine 2025

• Ceardlanna i dtaca leis an gcaoi a n-eagraítear rannpháirtíocht na leanaí in Éirinn sa Roinn Leanaí, Míchumais agus Comhionannais, Baile Átha Cliath
• Gníomhaíochtaí cruthaitheacha do leanaí ag The Ark, Baile Átha Cliath
• Cuairt ar an gcathair agus dinnéar

Lá 2: An 7 Bealtaine 2025

• Ceardlanna ar chearta leanaí, iad dírithe ar dhaoine fásta agus leanaí araon le chéile
• An méid a d’fhoghlaimíomar a chomhroinnt agus an méid is mian linn a dhéanamh i ngach tír
• Cuairt ar Mheánscoil Bhrí Mhór i mBaile Brigín chun guth na scoláirí a chluinstin i mbarr láin

Cad é an chéad rud eile a tharlóidh?

Pléadh conclúidí agus gealltanais le linn seisiún leantach i mí Iúil 2025. 

Thuairiscigh comhaltaí an Ardáin don Bhord Comhairleach i mí Dheireadh Fómhair 2025 agus thuairiscigh comhaltaí an Líonra ag an gcruinniú a bhí acu i mí na Samhna 2025. Déanfar obair leantach ar na gealltanais ag cruinniú Líonra 2026 agus cuirfear ar an suíomh gréasáin iad. 

Féachtar sa phlé freisin ar an dóigh ar féidir an méid a foghlaimíodh agus na modhanna a úsáid i dtíortha eile san Aontas chun cur le rannpháirtíocht leanaí.